ევროვიზიაზე საქართველოს წარმომადგენელი თამარა გაჩეჩილაძე და ქართული დელეგაცია კიევში, 2017 წლის ევროვიზიის სიმღერის კონკურსზე გაემგზავრნენ.

ქართველი მონაწილე კიევის საერთაშორისო საგამოფენო ცენტრში პირველ რეპეტიციას 30 აპრილს გაივლის. მოგვიანებით კი პრესკონფერენციაზე მედიის წარმომადგენლების შეკითხვებს უპასუხებს.

ევროვიზიის ნახევარფინალური და ფინალური ტურები 9 , 11 და 13 მაისს გაიმართება, უკვე ცნობილია, რომ სიმღერას "ქიფ ზე ფეიზ" თამარა გაჩეჩილაძე 9 მაისს შეასრულებს.

პირველი არხი შოუს ყველა კონცერტის ტრანსლაციას პირდაპირ ეთერში შემოგთავაზებთ.