5 ადამიანი დაიღუპა და 50-ზე მეტი დაშავდა ტექსასის შტატში ქარიშხლის შედეგად.

მეტეოროლოგიურმა სამსახურმა სამი ტორნადო დააფიქსირა. სტიქიის შედეგად დანგრეულია ათობით საცხოვრებელი სახლი, წაქცეულია ხეები, დაზიანებულია ავტომობილები.

საავადმყოფოშია გადაყვანილი 47 ადამიანი, მათ შორის ერთის მდგომარეობა კრიტიკულად მძიმეა.

მისურისა და ოკლაჰომას შტატების ადგილობრივმა ხელისუფლებამ კი გადაუღებელი წვიმის შედეგად გამოწვეული წყალდიდობის გამო, საგანგებო მდგომარეობა გამოაცხადა.

მისურის შტატში სტიქიას ერთი ადამიანის სიცოცხლე ემსხვერპლა. მაშველებმა 30-ის გადარჩენა შეძლეს.

უსაფრთხოების მიზნით, დატბორვის საშიშროების ქვეშ მყოფი ტერიტორიებიდან 100-მდე ადამიანის ევაკუაცია განხორციელდა.