შეერთებული შტატების პრეზიდენტი დონალდ ტრამპი, ქვეყანაში დიდი დეპრესიის დროს შემოღებული საბანკო რეგულაციის დაბრუნებას გეგმავს, რომელიც კომერციულ ბანკებს საინვესტიციო საქმიანობას უკრძალავს.

ამის შესახებ ტრამპმა ბლუმბერგთან ინტერვიუში განაცხადა.

რეგულაცია, რომელიც 1933 წელს, დიდი დეპრესიის დასაძლევად იქნა შემოღებული, 1999 წელს ბილ კლინტონმა გააუქმა.

რეგულაციის განახლებული ვერსიის მიღების პირობა, ტრამპმა ჯერ კიდევ წინასაარჩევნო კამპანიის დროს დადო, თუმცა გეგმის სისრულეში მოსაყვანად, მას კონგრესის თანხმობა დასჭირდება, რასაც ანალიტიკოსები ნაკლებ სავარაუდოდ თვლიან.

ტრამპის განცხადების შემდეგ, 24 ამერიკული ბანკის აქციებმა, საშუალოდ 1,2 პროცენტიანი ვარდნა განიცადეს.