მასწავლებელთა პროფესიული განვითარების ეროვნული ცენტრის პროგრამის „ასწავლე საქართველოსთვის“ ფარგლებში შუალედური შეხვედრა და სამდღიანი ტრენინგი გაიმართა. შეხვედრაში 192 კონსულტანტ-მასწავლებელი მონაწილეობდა. პედაგოგებმა მასწავლებლის საქმიანობის დაწყების, პროფესიული განვითარებისა და კარიერული წინსვლის სქემის ფარგლებში შემუშავებული ახალი ტრენინგმოდული - „საგაკვეთილო დაკვირვება“ გაიარეს. პროგრამა „ასწავლე საქართველოსთვის“ 2009 წლიდან ხორციელდება. პროგრამის მიზანია, კვალიფიციური კადრების მოზიდვის გზით, სწავლა-სწავლების პროცესის ხელშეწყობა და განათლების მიღების თანაბარი შესაძლებლობების უზრუნველყოფა საქართველოს მაღალმთიანი რეგიონებისა და ბარის შორეულ სკოლებში.