ცენტრალური აზიის რეგიონული ეკონომიკური თანამშრომლობის (CAREC) პროგრამის ფარგლებში გამართულ შეხვედრაზე CAREC-ის გრძელვადიანი სტრატეგიის მოსამზადებელ პროცედურებზე იმსჯელეს. ღონისძიება საქართველოს ეკონომიკისა და მდგრადი განვითარების მინისტრის მოადგილემ გენადი არველაძემ გახსნა.
CAREC არის რეგიონული ორგანიზაცია, რომელიც შედგება 11 წევრისგან, ესენია: საქართველო, აზერბაიჯანი, ყაზახეთი, ტაჯიკეთი, უზბეკეთი, თურქმენეთი, ყირგიზეთი, მონღოლეთი, ავღანეთი, პაკისტანი და ჩინეთი. სხვადასხვა საერთაშორისო ფინანსურ ორგანიზაციასთან თანამშრომლობით, CAREC-ი მუშაობს მასშტაბურ ინფრასტრუქტურულ და ეკონომიკურ პროექტებზე, რაც მიზნად ისახავს რეგიონის ქვეყნებს შორის ვაჭრობისა და ინვესტიციების განვითარებას, სატრანსპორტო დერეფნის პოტენციალის გაზრდას, ენერგეტიკის სფეროში თანამშრომლობის გაღრმავებასა და ა.შ.
საქართველო ამ ორგანიზაციაში 2016 წლის ოქტომბრის ბოლოს გაწევრიანდა.