ერთ თვეში საფინანსო სექტორში ახალი რეგულაციები ამოქმედდება. ამ გზით ეროვნული ბანკი მიკროსაფინანსო ორგანიზაციების და კომერციული ბანკების კლიენტების უფლებების დაცვას ცდილობს.

საფინანსო კომპანიებს სესხის გაცემამდე რამდენიმე ვალდებულების შესრულება მოუწევთ. თუმცა რეგულაციები არასაკმარისია სფეროს სპეციალისტებისთვის.

მათ პროტესტს ის გარემოება იწვევს, რომ ბანკებს და მიკროსაფინანსო ორგანიზაციებს კლიენტთან გაფორმებული ხელშეკრულების პირობების ცალმხრივად შეცვლა ნებისმიერ დროს ისევ შეეძლებათ.