პარლამენტში კიდევ ერთი სადავო კანონპროექტის განსახილველად ემზადებიან. საუბარია ფინანსთა სამინისტროს მიერ შემუშავებულ პროექტზე, რომელიც ონლაინ კაზინოებისთვის გარკვეული რეგულაციების და ასაკობრივი ზღვარის დაწესებას გულისხმობს.

დოკუმენტის გარშემო აზრი საპარლამენტო უმრავლესობაშიც გაყოფილია. თუ ცვლილებების ავტორები ვებ-გვერდებზე რეგისტრირების გამკაცრებას უჭერენ მხარს, მმართველი პარტიის დეპუტატთა ნაწილი ონლაინ-კაზინოების საერთოდ აკრძალვას მოითხოვს.

შეზღუდვებზე საუბრის დროს განსაკუთრებული აქცენტი არასრულწლოვნებზე კეთდება, რადგან სწორედ რეგისტრაციის მარტივი პროცედურის გამო აზარტული თამაშები მათთვისაც ხელმისაწვდომია.