მედია თავისუფალი, ნიჭიერია და, აქედან გამომდინარე, ისეთი გადაცემებიც უნდა გაკეთდეს, სადაც სასამართლოს კარგი საქმე წარმოჩნდება, - ამის შესახებ ჟურნალისტებს იუსტიციის უმაღლესი საბჭოს მდივანმა, ლევან მურუსიძემ განუცხადა.
როგორც მურუსიძემ აღნიშნა, იუსტიციის საბჭოს წევრს, ევა გოცირიძე მედიასთან მხოლოდ თხოვნა ჰქონდა - თუ მედია წინ გადადგამს ერთ ნაბიჯს და არა მხოლოდ ნეგატიური, არამედ მიზნის გასაძლიერებლად მოამზადებს სიუჟეტებს.
„მინდა, მივმართო მედიას, რომელსაც ვცემ პატივს. ვაღიარებ მათ კომპეტენციას. თუ მედია წინ გადადგამს ერთ ნაბიჯს, არა მხოლოდ ნეგატიური და კრიტიკული სიუჟეტების გაკეთებლად გამოიყენებთ თქვენს უნარს, არამედ იმ საერთო მიზნის გასაძლიერებლადბ რასაც მართლმსაჯულების ღირსება ქვია. აი, ეს თხოვნა ჰქონდა იუსტიციის უმაღლესი საბჭოს წევრს. ახლა მედიის გადასაწყვეტია, გავერთანდებით თუ არ ამისთვის და დავირაზმებით თუ არა საერთო მიზნისთვის. ცენზურაზე საუბარი არ არის. თქვენს ინტერესშიც შედის მართლმსაჯულების ინტერესი. მედია თავისუფალი და ნიჭიერია, აქედან გამომდინარე ისეთი გადაცემებიც უნდა გაკეთდეს, სადაც სასამართლოს კარგი საქმე წარმოჩნდება“,-აღნიშნა ლევან მურუსიძემ.