კონსტიტუციაში შესატანი ცვლილებების განხილვა ახალ ეტაპზე გადადის. პარასკევს პროექტის საყოველთაო-საჯარო განხილვა იწყება.
საორგანიზაციო კომისია დაკომპლექტებულია. პარტიებიდან ცხრაკაციან ჯგუფში ქართული ოცნების, ევროპული საქართველოს და პატრიოტთა ალიანსის წევრები შედიან. კომისიაში არ არის ნაციონალური მოძრაობა, რომელმაც განხილვაში ჩართვაზე უარი თქვა.
საკონსტიტუციო კომისიისთვის გამოცხადებული ბოიკოტის და მწვავე კრიტიკის ფონზე მოულოდნელი აღმოჩნდა პრეზიდენტის გადაწყვეტილება. გიორგი მარგველაშვილს საჯარო განხილვაში მონაწილეობა სურს.
ხვალ გახდება ცნობილი, რა ფორმით იქნება სახელმწიფოს მეთაური კომისიაში წარმოდგენილი.
საორგანიზაციო ჯგუფის დამტკიცებას პოლემიკის გარეშე არ ჩაუვლია. კითხვები კომისიაში მყოფი უფლებადამცველის და რამდენიმე ექსპერტის გამო გაჩნდა.