კვალიფიციური ოპოზიციური პარტიების საკოორდინაციო საბჭომ, საერთაშორისო ორგანიზაციებისათვის გადასაგზავნ დოკუმენტზე მუშაობა დაასრულა.
„დოკუმენტს ორი მიზანი აქვს: პირველი -ყველა დაინტერესებული პირის ინფორმირება ობიექტური ინფორმაციით, როგორ წარიმართა ე.წ. საკონსტიტუციო ცვლილებების პროცესი და როგორ იყო ის ნულოვანი კონსესუსის ამსახველი და მეორე, შინაარსობრივი მხარე, თუ რა ანტიდისკრიმინაციული ნორმები ჩაიდო „ქართული ოცნების“ მხრიდან აღნიშნულ დოკუმენტში", - აცხადებს ინტერპატიული ჯგუფის წევრი მამუკა კაციტაძე.
კვალიფიიური ოპოზოციური პარტიების საკოორდინაციო საბჭო დოკუმენტს რამდენიმე დღეში მას შემდეგ გასაჯარობს, რაც დოკუმენტს ყველა ოპოზიციური პარტია გაეცნობა და საკუთარ პოზიციას დააფიქსირებს.
ჯგუფში ვარაუდობენ, რომ დოკუმენტი მომავალ კვირას უკვე გადაეგზავნება საერთაშორისო ორგანიზაციებს.
„იმედია, დოკუმენტში კარგად გამოჩნდება, რომ ერთ მხარეს არის მთელი პოლიტიკური სპექტრი და მეორე მხარეს „ქართული ოცნება“, - აცხადებს კაციტაძე.
ინტერპარტიული ჯგუფი აცხადებს, რომ მზად არის საყოველთაო სახალხო განხილვებში მიიღოს მონაწილეობა, თუმცა ოფიციალური მოწვევა არ აქვს. ოპოზიციურ პარტიებს იმედი აქვთ, რომ შეხვედრებზე მათი ადგილი იქნება. ჯგუფი „ქართული ოცნების“ მიერ დაგეგმილ საყოველთაო განხილვებს ფორმალურ ვოიაჟს უწოდებს.