ლაშა თორდიას გამოკითხვის პროცესი შეჩერდა. ამის შესახებ ინფორმაცია საზოგადოებრივს სახელმწიფო აუდიტის სამსახურის პრესსამსახურში დაუდასტურეს.
საგამოძიებო უწყების წარმომადგენლებს პროცესის შეწყვეტა დაზარალებულის მდგომარეობის გაუარესების გამო მოუხდათ. თუმცა, როგორც „მოამბის“ ჟურნალისტი ადგილიდან იტყობინება, საგამოძიებო უწყების წარმომადგენლები კლინიკიდან ჯერ არ გამოსულან, შესაბამისად უცნობია, გაგრძელდება თუ არა გამოკითხვის პროცესი დღეს.
საგამოძიებო უწყების წარმომადგენლები ალადაშვილის სახელობის კლინიკაში უკვე რამდენიმე საათია იმყოფებიან.
შეგახსენებთ, სახელმწიფო აუდიტის სამსახურის ხელმძღვანელს ფიზიკური შეურაცხყოფა 12 მაისს მიაყენეს. შემთხვევა თბილისში, შარდენის ქუჩაზე, მდებარე ერთ-ერთ ღამის კლუბში მოხდა. ლაშა თორდია ამ დრომდე კლინიკაში რჩება.
თორდიას განცხადებით, მას ყოფილი მთავარი პროკურორი ოთარ ფარცხალაძე და მასთან ერთად მყოფი რამდენიმე პირი დაესხა თავს.