ურთიერთგამომრიცხავი ვერსიები შარდენის ქუჩაზე მომხდარი ინციდენტის გარშემო. ოთარ ფარცხალაძის ადვოკატი ჟურნალისტებთან შეხვედრას გეგმავს. ყოფილი მთავარი პროკურორის ინტერესების დამცველი კონფლიქტის პროვოცირებაში ლაშა თორდიას ადანაშაულებს.

საპირისპიროს ამტკიცებს გენერალური აუდიტორი, რომელიც გამოძიებას არ ენდობა. სავარაუდოდ, მომავალ კვირას გამოქვეყნდება აუდიტის სამსახურის დასკვნა, რომელშიც თორდიას თქმით, მერიასა და ფარცხალაძეს შორის კორუფციულ გარიგებაზეა საუბარი.

ოპოზიცია პარასკევს მომხდარი ინციდენტის საქმეზე მუხლის გადაკვალიფიცირებას და ფარცხალაძის დაკავებას ითხოვს.

სახალხო დამცველი საქმის დამოუკიდებლად შესწავლას იწყებს.