ბავშვთა სამყაროში გაჩენილი ხანძრის შედეგად დაზარალებულებმა საქართველოს მთავარ პროკურატურასთან საპროტესტო აქცია გამართეს. მათი განცხადებით, მეოთხე თვეა პროკურატურა მომხდარის გამოსაძიებლად არაფერს აკეთებს.

მოვაჭრეები აქციების პერმანენტულად გაგრძელებას მთავარ პროკურატურასთან და ბიძინა ივანიშვილის რეზიდენციასთან აანონსებენ. მათივე თქმით, ისინი მთავარი პროკურორის გადადგომის მოთხოვნითაც გამართავენ აქციებსაც.

აქციას შეუერთდა ადვოკატთა ასოციაციის თავმჯდომარე ზაზა ხატიაშვილი, რომელიც პროკურატურას უმოქმედობაში ადანაშაულებს.

მოვაჭრეებსა და მათ ადვოკატს დღეს პროკურატურის წარმომადგენელი შეხვდა.