მძიმე დანაშაულში ბრალდებულ დეკანოზს საპატრიარქოს მიმართ პრეტენზიები აქვს. იურისტ ედიშერ ქარჩავას მიერ გაკეთებული განცხადება ახალი სასამართლო დავის მიზეზი ხდება.

მამა გიორგი მამალაძის ადვოკატები საპატრიარქოს წარმომადგენელს სიცრუეში ადანაშაულებენ. საუბარია დოკუმენტზე, რომელზე დაყრდნობით ქარჩავას ეჭვი აქვს, რომ დეკანოზი პატრიარქისგან და საპატრიარქოსგან ფარულად სამეწარმეო საქმიანობით და გარკვეული გარიგებებით იყო დაკავებული.

თუ იურისტის მიერ გავრცელებულ ინფორმაციას დავეყრდნობით, მითითებული დოკუმენტი საპატრიარქოში მამა გიორგი მამალაძის კუთვნილ ოთახში იპოვეს.