დეკანოზ გიორგი მამალაძის ადვოკატებს საპატრიარქოს წინააღმდეგ სასამართლოში სარჩელი შეაქვთ. ამის შესახებ ბრალდებულის ადვოკატმა განაცხადა. მიხეილ რამიშვილი დეკანოზ გიორგი მამალაძესთან ე.წ. მატროსოვის ციხეში ორი საათის განმავლობაში იმყოფებოდა. მიხეილ რამიშვილმა ედიშერ ქარჩავას განცხადებას სიცრუე უწოდა.

შეგახსენებთ, საპატრიარქოს იურისტის განცხადებით, მამა გიორგი მამალაძეს ესპანეთში კომპანია ჰქონდა დაფუძნებული, რომლის საშუალებითაც 50 მილიონი ევროს ტრანზაქცია უნდა განხორციელებულიყო. შესაბამისი დოკუმენტი კი ედიშერ ქარჩავას თქმითვე, ერთი თვის წინ, საპატრიარქოში მამა გიორგის ერთ-ერთ კაბინეტში აღმოაჩინეს.