საია მთავარი პროკურატურისგან ზვიად ნაზღაიძისთვის ქონების გადაცემის კანონთან შესაბამისობის საქმეზე გამოძიების დაწყებას ითხოვს.

საუბარია მოსამართლე ნატა ნაზღაიძის ძმაზე, რომელმაც, 13 ივნისის სტიქიის შედეგად დაზიანებული მიწის ნაკვეთის სანაცვლოდ, ფულადი კომპენსაცია და სანდრო ეულის ქუჩაზე ალტერნატიული მიწის ნაკვეთი მიიღო.

საია-ში ამბობენ, რომ მათ უწყებას მათ მიერ გამოკვლეული დოკუმენტაციაც მიაწოდეს, მათი თქმით, იკვეთება დედაქალაქის მთავრობის მაღალჩინოსნების დანაშაული და გამოძიება ამ კუთხით უნდა წარიმართოს.

დღესვე საკითხს გამოეხმაურნენ როგორც დედაქალაქის მთავრობიდან, ასევე საკრებულოს მხრიდან. დავით ნარმანიას მიიჩნევს, რომ მესამე სექტორის მიმართვა უსაფუძვლოა, რადგან ყველაფერი კანონის სრული დაცვით მოხდა.

რაც შეეხება საკრებულოს პოზიციას, თბილისის საკრებულოს თავმჯდომარე აცხადებს, რომ საჭიროების შემთხვევაში, ის საგამოძიებო უწყებასთან ითანამშრომლებს.