იტალიაში, სიცილიის ქალაქ ტაორმინაში მეორე დღეა „დიდი შვიდეულის“ შეხვედრა მიმდინარეობს. ორდღიანი მოლაპარაკებების ფარგლებში 7 ქვეყნის ლიდერები ტერორიზმის საფრთხეებს, სავაჭრო ურთიერთობებსა და კლიმატურ ცვლილებებს განიხილავენ.
აზრთა სხვაობა შეერთებული შტატების პრეზიდენტსა და „დიდი შვიდეულის“ სხვა წევრებს შორის გლობალურ ვაჭრობასთან და კლიმატურ ცვლილებებთან დაკავშირებით წარმოიშვა.
დონალდ ტრამპი, ტერეზა მეი და ემანუელ მაკრონი აღნიშნულ სამიტს სახელმწიფოს მეთაურის სტატუსით პირველად ესწრებიან.
„დიდი შვიდეულის“ ლიდერების შეხვედრის პარალელურად, იტალიაში საპროტესტო აქცია იმართება. მწვანეთა მოძრაობა გლობალური დათბობის მიმართ დონალდ ტრამპის პოზიციას აპროტესტებს.
2015 წელს პარიზში მიღწეულ შეთანხმებას კლიმატური ცვლილებების შესახებ შეერთებული შტატების პრეზიდენტი კრიტიკულად უყურებს.