ტერორიზმი, კლიმატური ცვლილებები, მიგრაცია და საერთაშორისო ვაჭრობა – ეს ის ძირითადი საკითხებია, რაზეც 7 ქვეყნის ლიდერებმა იტალიაში, ტაორმინას სამიტზე იმსჯელეს.

დისკუსია „დიდი შვიდეულის“ წევრებს შორის წინააღმდეგობრივი პოზიციებითა და აზრთა სხვადასხვაობით გამოირჩეოდა.

ექვსი ერთის წინააღმდეგ – ამ შემთხვევაში უმცირესობაში შეერთებული შტატების პრეზიდენტი, დონალდ ტრამპი აღმოჩნდა.

მიუხედავად ამისა, რიგ საკითხებზე ლიდერები მაინც შეთანხმდნენ. დიდი შვიდიანი რუსეთის წინააღმდეგ სანქციების გაფართოებას გეგმავს, ასევე ხელი მოეწერა ტერორიზმის წინააღმდეგ ბრძოლის ახალ სტრატეგიას.

კლიმატური ცვლილებების საკითხი კვლავ კითხვის ნიშნის ქვეშ დგას.