ოლიმპიური კომიტეტის საქმეზე მოსამართლე გადაწყვეტილებას 26 ივნისს გამოაცხადებს. ბოლო არსებით განხილვაზე მხარეები პროცესზე დასკვნითი სიტყვით წარდგნენ. საუბარია ოლიმპიური კომიტეტის პრეზიდენტობის ყოფილი კანდიდატის, ირაკლი მეძმარიაშვილის სარჩელზე, რომლითაც მან 2016 წლის 23 დეკემბერს ჩატარებული არჩევნების შედეგები გაასაჩივრა.

მეძმარიაშვილი შედეგების ბათილად ცნობას და არჩევნების ხელახლა ჩატარებას ითხოვს.

ეროვნული ოლიმპიური კომიტეტის ადვოკატი კი განმარტავს, რომ ირაკლი მეძმარიაშვილის ბრალდება უსაფუძვლოა.