რა გადაწყვეტილებას მიიღებს სასამართლო ბირჟა მაფიის წევრების საქმეზე, ეს სასამართლო სხდომაზე გახდება ცნობილი, რომელიც ადვოკატების განცხადებით, დღეს ან ხვალ გაიმართება.
დაკავებულების დაკითხვა სასჯელაღსრულების დაწესებულებაში ოთხი საათის განმავლობაში მიმდინარეობდა. ბრალდებულებმა გამომძიებლებს დეტალური ინფორმაცია მიაწოდეს მათი დაკავების შესახებ.
დაცვის მხარე აცხადებს, რომ ჯგუფის ორივე წევრს, მიხეილ მგალობლიშვილს და გიორგი ქებურიას ნარკოტიკული საშუალება ჩაუდეს, გარდა ამისა სამართალდამცავების მხრიდან მათ მიმართ ადგილი ჰქონდა ფსიქოლოგიურ ზეწოლას.
დაიკითხნენ თუ არა პოლიციელები, რომელთაც დაკავებულები სხვადასხვა სახის კანონდარღვევაში ადანაშაულებე,ნ უცნობია. დაცვისა და ბრალდების მხარე საკითხზე გამოძიების ინტერესებიდან გამომდინარე არ საუბრობენ.
ბირჟა მაფიის წევრებს ბრალი განსაკუთრებით დიდი ოდენობით ნარკოტიკული საშუალების შეძენა-შენახვის ფაქტზე აქვთ წარდგენილი, ამჟამად ისინი პატიმრობაში იმყოფებიან.
საქალაქო სასამართლოს ეს გადაწყვეტილება დაცვის მხარეს სააპელაციო წესით აქვს გასაჩივრებული.