სამართალდამცავების მხრიდან უფლებამოსილების შესაძლო გადამეტების ფაქტს პროკურატურა იძიებს.

ჯგუფ ბირჟა მაფიის ორი წევრი რამდენიმედღიანი პატიმრობის შემდეგ სასამართლომ გირაოს სანაცვლოდ გაათავისუფლა.

მიხეილ მგალობლიშვილის 50 000, გიორგი ქებურიას კი 20 000 ლარიანი გირაო შეეფარდათ.

დიდი ოდენობით ნარკოტიკების შეძენა-შენახვაში ბრალდებულები თავს უდანაშაულოდ აცხადებენ და სამართალდამცავებს ნარკოტიკების ჩადებაში ადანაშაულებენ.

რაც შეეხება საქმეში არსებულ აღიარებით ჩვენებას, ქებურია ამბობს, რომ დანაშაული ფსიქოლოგიური ზეწოლის შედეგად აღიარა.

დაკავების მოტივად ახალგაზრდები მათ ვიდეოკლიპს ასახელებენ, რომელშიც პოლიციელია გაშარჟებული.

თეო ხუბულავა განაგრძობს თემაზე საუბარს.