საფრანგეთის შინაგან საქმეთა უწყება საპარლამენტო არჩევნების პირველად შედეგებს აქვეყნებს, რომელიც დათვლილი ბიულეტენების 48%-ის მონაცემებს ასახავს.

შედეგები ასეთია:

პრეზიდენტ ემანუელ მაკრონის პარტია „რესპუბლიკა, წინ!“ - 26. 18%;

რესპუბლიკური პარტია - 16.34 %;

სოციალისტური პარტია - 7.21 %;

ეროვნული ფრონტი - 14.70 %;

„დაუმორჩილებელი საფრანგეთი“ - 10.27 %.

მაკრონის პარტია ეგზიტპოლების მიხედვითაც ლიდერობდა.

არჩევნებზე ამომრჩეველთა აქტივობამ 48 % შეადგინა.

მე-15 მოწვევის პარლამენტში მანდატის მოსაპოვებლად სულ 17 პარტიის 7882 კანდიდატი იბრძვის. მათ შორის ცენტრისტი პრეზიდენტის, ემანუელ მაკრონის პარტია „რესპუბლიკა წინ“, რესპუბლიკური და სოციალისტური პარტიები, ასევე „დაუმორჩილებელი საფრანგეთი“ და „ეროვნული ფრონტი“.

საკანონმდებლო ორგანოში უმრავლესობის მოსაპოვებლად 577-ერთმანდატიანი საპარლამენტო ოლქიდან 289-ში გამარჯვებაა საჭირო.

გამარჯვებულად სახელდება კანდიდატი, რომელიც აბსოლუტური უმრავლესობის მოპოვებას შეძლებს, წინააღმდეგ შემთხვევაში კი 18 ივნისს არჩევნების მეორე ტური გაიმართება, სადაც ხმათა ყველაზე მეტი რაოდენობის მქონე ორი ოპონენტი დაუპირისპირდება ერთმანეთს, ან ის კანდიდატები, რომელთაც რეგისტრირებულ ამომრჩეველთა 12,5% დაუჭერს მხარს.