ივნისი 17, 2017
84
ლონდონში ხანძრის შედეგად დაზარალებულები მთავრობას მუდმივი საცხოვრებელი ადგილით უზრუნველყოფას სთხოვენ.
ასობით მოქალაქემ მათი უფლების დასაცავად საპროტესტო აქცია გამართა. აქტივისტები პრემიერ-მინისტრს გულგრილობაში ადანაშაულებენ და მის გადადგომას მოითხოვენ.
ტერეზა მეიმ განაცხადა, რომ ხანძრის შედეგად დაზარალებული ოჯახებისთვის მთავრობა 5 მილიონ ფუნტ სტერლინგს გამოყოფს, ასევე, მათ საკვებით, ტანსაცმლით და პირადი მოხმარების ჰიგიენური ნივთებით უზრუნველყოფენ, თუმცა პრემიერს მუდმივი საცხოვრებელი ფართის გამოყოფაზე არაფერი უთქვამს.
ლონდონში, კენსინგტონის უბანში, ხანძარი 14 ივნისს გაჩნდა. ბოლო ინფორმაციით, 30 ადამიანი დაიღუპა, ასზე მეტმა ოჯახმა კი სახლ-კარი დაკარგა.
მაჩვენე მეტი