სააპელაციო სასამართლო მსახიობ დავით როსტომაშვილზე თავდასხმაში ბრალდებული ზურაბ ქუთელიას ადვოკატის საჩივარზე გადაწყვეტილებას დღეს მიიღებს.

ბრალდებულის ინტერესების დამცველმა საქალაქო სასამართლოს გადაწყვეტილება აღკვეთის ღონისძიების შეფარდების თაობაზე გუშინ გაასაჩივრა.

ალექსანდრე კობაიძე ორთვიანი წინასწარი პატიმრობის 20 000 ლარიანი გირაოთი შეცვლას ითხოვს. ადვოკატი მიიჩნევს, რომ მისი დაცვის ქვეშ მყოფის პატიმრობაში დარჩენის აუცილებლობა არ არსებობს.