რეგიონული პოლიტიკისა და თვითმმართველობის კომიტეტმა მეორე მოსმენით ერთხმად დაუჭირა მხარი ადგილობრივი თვითმმართველობის კოდექსში შესატან ცვლილებებს.
კანონის პროექტის მიხედვით, 12 თვითმმართველი ქალაქის ნაცვლად, 5 დარჩება.
თვითმმართველის სტატუსს შეინარჩუნებენ თბილისი, ქუთაისი, რუსთავი, ფოთი და ბათუმი.
კანონპროექტში ასევე განხორციელდება ტერმინოლოგიური ხასიათის ცვლილებები, კერძოდ, კოდექსის მთელ ტექსტში, ტერმინი „გამგებელი/მერი“ და „გამგეობა/მერია“ იცვლება ჩანაწერით „მერი“ და „მერია“.
აღნიშნულ ცვლილებებს მხარს არ უჭერს ოპოზიცია. პროექტის ინიციატორების განცხადებით, მუნიციპალიტეტების რაოდენობის გაზრდამ ადგილობრივი მოსახლეობისათვის სერვისების მიწოდება ვერ გააუმჯობესა, ადმინისტრაციული ხარჯები კი გაარმაგა, რის გამოც, მიზანშეწონილია თვითმმართველი ქალაქების რაოდენობის ძველ ნიშნულზე დაბრუნება.