პეკინის ქუჩაზე სარეაბილიტაციო სამუშაოები დაათვალიერეს დღეს თბილისის ვიცემერმა, “ჯორჯიან ვოთერ ენდ ფაუერის” წარმომადგენლებმა და ტრანსპორტის საქალაქო სამსახურის უფროსმა.

მათი განცხადებით, მესამე დღეა სამუშაოები 24- საათიან რეჟიმში მიმდინარეობს და ამ დრომდე რაიმე შეფერხებას ადგილი არ ჰქონია.

პროექტის ღირებულება ჯამში 10 მლნმდე ლარს შეადგენს. აქედან “ჯორჯიან ვოთერ ენდ ფაუერს” მიწისქვეშა გაყვანილობის რეაბილიტაციისთვის 3 მილიონი ლარი აქვს გამოყოფილი. მათ ასევე მოწვეული ჰყავთ გერმანელი სპეციალისტები, რომლებიც სამუშაოებს ზედამხედველობას გაუწევენ.

შეგახსენებთ, რომ სამუშაოების დასრულების ბოლო ვადად განსაზღვრულია 10 სექტემბერი.