ქობულეთის ქუჩაზე შიდა წყალკანალიზაციის რეაბილიტაცია მიმდინარეობს. სამუშაოები ვაკის რაიონის გამგეობის ბინათმესაკუთრეთა ამხანაგობების ხელშეწყობის პროგრამის ფარგლებში ხორციელდება.

დაზიანებული ქსელის გამო კანალიზაციიდან ამოსული წყალი არა მარტო ქობულეთის ქუჩაზე, არამედ მიმდებარე შროშის ქუჩაზე სისტემატურად მიედინებოდა.

ვაკის რაიონის გამგებლის ინფორმაციით, რეაბილიტაციის შედეგად, პრობლემა ქობულეთის ქუჩაზე მცხოვრებ 95 ოჯახს და ასევე შროშის ქუჩის მცხოვრებლებსაც მოუგვარდებათ.