ჟენევის საერთაშორისო მოლაპარაკებების მე-40 რაუნდი იწყება. მოლაპარაკებების დღის წესრიგის მთავარი საკითხები რუსეთის ფედერაციის მიერ ძალის გამოუყენებლობის ვალდებულების აღება და შესრულება იქნება.
ქართული მხარე ოკუპირებულ რეგიონებში უსაფრთხოების საერთაშორისო მექანიზმების შექმნას, ასევე ლტოლვილთა და იძულებით გადაადგილებულ პირთა უსაფრთხო და ღირსეულ დაბრუნებას საკუთარ საცხოვრებელ ადგილებში კიდევ ერთხელ მითხოვს.
მოლაპარაკებებზე საქართველოს დელეგაცია რუსეთის ფედერაციის მხრიდან ცეცხლის შეწყვეტის შეთანხმების პერმანენტული დარღვევის საკითხსაც დააყენებს.
ყურადღება გამახვილდება საოკუპაციო ხაზზე გადაადგილების თავისუფლების შეზღუდვის, უკანონო დაკავებების, მავთულხლართების აღმართვისა და ე.წ. გადასასვლელი პუნქტების დახურვის საკითხებზე.
მოლაპარაკებებზე გიგა ოთხოზორიას მკვლელის, რაშიდ კანჯიოღლის პასუხისმგებლობის საკითხი კიდევ ერთხელ დადგება.