პარლამენტი მაუწყებლობის კანონში ცვლილებების პროექტს განიხილავს. არასამთავრობო სექტორისა და საზოგადოებრივი მაუწყებლის წარმომადგენლების ჩართულობით პროექტზე იურიდიულ საკითხთა კომიტეტის სხდომაზე იმსჯელეს.

კანონპროექტის ინიცირება მიმდინარე კვირაში იგეგმება. ცვლილებებზე, რომელიც სხვადასხვა მიმართულებას ეხება, სამუშაო ჯგუფი რამდენიმე თვის განმავლობაში მუშაობდა.

პროექტის მიხედვით, გაიმიჯნება სამეურვეო საბჭოსა და გენერალური დირექტორის უფლებამოსილებები. ცვლილება ეხება შესყიდვების ნაწილსაც. ასევე რეკლამისა და სპონსორობის ნაწილს.

პროექტზე შენიშვნები აქვთ არასამთავრობო ორგანიზაციებს. მესამე სექტორის ნაწილი ითხოვს რომ განხილვის პროცესში კომერციული არხების წარმომადგენლები ჩაერთონ.