უშგულის მოსახლეობა საპროტესტო აქციას მართავს. უშგულელები XIV-XV საუკუნეების მურყვამის - სვანური კოშკისა და საცხოვრისის - მაჩუბის ჩამონგრევის ფაქტს აპროტესტებენ. მათი თქმით, უშგულში არსებული 35 კოშკიდან ერთი უკვე დაინგრა და თუ შესაბამისი უწყებები დროულად არ მიხედავენ, 3-4 წელიწადში ყველა დაინგრევა.

უშგულელები ამბობენ, რომ კოშკების აღდგენა- რესტავრაციის მოთხოვნით რამდენჯერმე მიმართეს კულტურის სამინისტროს, თუმცა უშედეგოდ. ისინი ითხოვენ, სახელმწიფომ მიხედოს კოშკებს, ან საგვარეულო კოშკების მეპატრონეებს მათი მოვლის ნება დართონ .

აქციის მონაწილეებმა მესტია-უშგულის დამაკავშირებელი ერთადერთი გზაც გადაკეტეს, თუმცა ცოტა ხნის წინ გზა გაიხსნა.

ჩარკვიანების საგვარეულო კოშკი და საცხოვრისი გუშინ საღამოს დაინგრა.