დაიწყეთ დიალოგი კონსენსუსის მისაღწევად - ეს ვენეციის კომისიის პრეზიდენტის მთავარი გზავნილია.
ჯანი ბუკიკიო საკონსტიტუციო პროექტს დადებითად აფასებს, თუმცა ბოლო ცვლილებების გამო შენიშვნები აქვს. იგულისხმება მაჟორიტარული სისტემის გაუქმების გადავადება, რასაც ოპოზიციაც აპროტესტებს. სადავო დოკუმენტის პოლიტიკური ლეგიტიმაციისთვის ბუკიკიო მხარეებს კომპრომისისკენ მოუწოდებს.
არსებობს თუ არა შეთანხმების პერსპექტივა პოლიტიკურ სპექტრში: ოპოზიციის ნაწილი საკუთარ პირობას აყენებს და მმართველ გუნდს საკონსტიტუციო რეფორმის თავიდან დაწყებას სთხოვს, იგივე პოზიცია აქვს პრეზიდენტს.
თავის მხრივ, ვენეციის კომისიის რეკომენდაციებს შესრულებულად აცხადებს მმართველი გუნდი და ოპონენტებს ახსენებს, რომ უმრავლესობა კომპრომისებზე უკვე წავიდა.