დემირელის სახელობის სკოლის დაკავებული მენეჯერისთვის ლტოლვილის სტატუსის მინიჭების საკითხზე გადაწყვეტილებას 7 ივლისამდე მიიღებენ.
დღეს მასთან გასაუბრების ეტაპი დაიწყო. სწორედ ამ მიზნით, მუსტაფა ემრე ჩაბუქთან საპატიმროში დევნილთა სამინისტროს სტატუსის დამდგენი განყოფილების წარმომადგენელი შევიდა. მისი თქმით, ამ ეტაპზე მოხდება გასაუბრება ბრალდებულთან, თუ რის საფუძველზე ითხოვს ლტოლვილის სტატუსის მინიჭებას და უკვე ამის შემდეგ მიიღებს სამინისტრო გადაწყვეტილებას.
ადვოკატის ინფორმაციით, იმ შემთხვევაში თუ დემირელის სახელობის სკოლის დაკავებული მენეჯერის ლტოლვილის სტატუსს არ მიანიჭებენ, საქმეს სასამართლოში გაასაჩივრებენ.
დაცვის მხარე მიმართავს იუსტიციის სამინისტროს, მუსტაფა ემრე ჩაბუქის ექსტრადირება არ მოხდეს.
გიორგი კობერიძე განავრცობს თემას.