აკაკი ჩალათაშვილი ევროკავშირის მიერ სწავლის დაფინანსებაზე, საზღვარგარეთ სწავლაზე, პროფესიულ განვითარებასა და ახალ შესაძლებლობებზე საუბრობს.
„სულ მინდოდა იურისტი ვყოფილიყავი. ადამიანის უფლებების დაცვაზე მეტად არაფერი მაინტერესებდა. 22 წლის ვიყავი როცა ევროკავშირის საჩუქარი მივიღე. ევროკავშირის დაფინანსებით ბუქარესტის უნივერსიტეტში გავემგზავრე და ასე შევაბიჯე ჩემი ცხოვრების გარდამტეხ და ძალიან საინტერესო ეტაპზე. სწავლაზე არანაკლებ საინტერესო და სასარგებლო აღმოჩნდა გარემო, სადაც ადამიანები სხვადასხვა ქვეყნიდან ადვილად ვპოულობდით საერთოს და მალე მივხვდი რომ მეც ამ საყოველთაო ენას ვსწავლობდი. როცა დავბრუნდი სამსახური ადვილად ვიშოვე და მას შემდეგ წარმატებით მივდივარ წინ, სადაც საყვარელი საქმის კეთებით და პროფესიონალიზმით, ქვეყნისთვის და მსოფლიოსთვის თუნდაც მცირე სარგებლის მოტანას შევძლებ - ჩემი ადგილიც იქაა.რაც დრო გადის, უფრო და უფრო მეტად მომწონს ჩემი არჩევანი. დღეისათვის ევროკავშირის დახმარებით მე პროფესიონალი იურისტი ვარ.იურისტი დიდი შესაძლებლობებით, პატარა ქვეყნიდან. “- აცხადებს აკაკი ჩალათაშვილი.
ვიდეო-რგოლი ევროკავშირის მიერ სწავლის დაფინანსების შესახებ გადაღებულია ევროკავშირი-საქართველოს საინფორმაციო კამპანიის ფარგლებში. კამპანია ევროკავშირის პროექტის „ასოცირების ხელშეკრულების განხორციელების მხარდაჭერა" ფარგლებში ხორციელდება, რომლის მიზანია საქართველოს მოსახლეობისათვის ევროკავშირისა და საქართველოს პოლიტიკურ და ეკონომიკურ ურთიერთობებზე მარტივ ენაზე ინფორმაციის მიწოდებას, ასევე, ცნობიერების ამაღლებას, თუ რა კონკრეტული სარგებელი შეიძლება მოუტანოს საქართველოს ასოცირების ხელშეკრულების, ღრმა და ყოვლისმომცველი თავისუფალი ვაჭრობისა და ვიზა–ლიბერალიზაციის სამოქმედო გეგმის განხორციელებამ. კამპანიისას განსაკუთრებული აქცენტი ევროპულ ფასეულობებზე კეთდება.