"საქართველოს ბანკში" დღეს სპეციალურ პრესკონფერენციაზე ოფიციალურად განაცხადებენ, რომ BGEO ჯგუფი საბანკო და საინვესტიციო ბიზნესად იყოფა. მედიის კითხვებს ამ თემაზე საინვესტიციო ჯგუფის მენეჯმენტი უპასუხებს.

გავრცელებული ინფორმაციით, "საქართველოს ბანკი" და ჯგუფის საინვესტიციო ბიზნესი ცალკე კომპანიებად ჩამოყალიბდება.

დღემდე BGEO ჯგუფში "საქართველოს ბანკთან" ერთად შედიოდა მისი საინვესტიციო ბიზნესი, რომელიც ფლობს სამშენებლო კომპანია M2-ს, წყალმომარაგების ბაზრის წამყვან კომპანია GWP-ს, ასევე ღვინის კომპანიას „თელიანი ველი“. რაც შეეხება სადაზღვევო კომპანია "ალდაგს", ისიც ჯგუფის საინვესტიციო ბიზნესში გადაინაცვლებს.

BGEO ჯგუფის გაყოფის შედეგად წილების და მენეჯმენტში ცვლილებების შესახებ ირაკლი გილაური და კახა კიკნაველიძე 15:00 საათზე დაგეგმილ პრესკონფერენციაზე ისაუბრებენ.