5 ივლისი, 2017
•გვიან ღამემდე გაგრძელდა გარყვნილი ქმედების ბრალდებით დაკავებული ინდოეთის ორი მოქალაქის დაკითხვა ისანი-სამგორის სამმართველოს პირველ განყოფილებაში.
•თბილისის საერთაშორისო აეროპორტში თბილისი-სანკტ- პეტერბურგის რეისი 45 წუთის დაგვიანებით შესრულდა.
•15 კვალიფიციური პარტიის საკოორდინაციო საბჭოს ინიციატივით საკონსტიტუციო ცვლილებების თემაზე დღეს კონფერენცია გაიმართება.
•ინფორმაციას იმის შესახებ, რომ ელიავას ბაზრობაზე ინფრასტრუქტურლ ცვლილებებია დაგეგმილი, დედაქალაქის მერი არ ადასტურებს.
•საგარეო საქმეთა მინისტრის მოადგილე დავით დონდუა და პრემირ-მინისტრის სპეციალური წარმომადგენელი ზურაბ აბაშიძე სამუშაო ვიზიტით ბრიუსელში იმყოფებიან.
•ბრიუსელში ორდღიანი ვიზიტის შემდეგ პრემიერ-მინისტრის სპეციალური წარმომადგენელი პრაღაში გაემგზავრება, სადაც ზურაბ აბაშიძე რუს კოლეგას გრიგორი კარასინს შეხვდება.
•ევროკავშირი-საქართველოს მეგობრობის ჯგუფის დაარსებისადმი მიძღვნილი საზეიმო მიღება გაიმართა სტრასბურგში. დამსწრეებს სიტყვით მიმართა საქართველოს პარლამენტის თავმჯდომარემ, ირაკლი კობახიძემ.
•ქუთაისის საქალაქო სასამართლომ წარმოებაში მიიღო თვითმმართველობის საკითხებზე მომუშავე არასამთავრობო ორგანიზაციების მიერ მომზადებული სარჩელი.
•,,ევროპული საქართველოს მერობის კანდიდატმა ელენე ხოშტარიამ პარტიის სოციალური პროგრამის პრეზენტაცია სამგორის რაიონში გამართა.
•დედაქალაქის მერი თბილისის მიკროავტობუსების კომპანიას სამარშრუტო ტაქსებში კონდიცირების გამოუყენებლობის შემთხვევების აღმოფხვრისკენ მოუწოდებს.
•თურქეთის პროვინცია ბურსაში შეიარაღებულმა პირმა სასამართლოს შენობასთან ცეცხლი გახსნა.
•2 ადამიანი დაიღუპა და რამდენიმე დაშავდა მთიან ყარაბღაში შეხების ხაზთან მდებარე დასახლებულ პუნქტებში სროლის შედეგად.
•შეერთებული შტატები მზად არის დაიცვას ქვეყანა და მოკავშირეები ფხენიანის მხრიდან მომდინარე საფრთხისგან.
•საფრანგეთის სენატმა ქვეყანაში არსებული საგანგებო მდგომარეობა კიდევ 6 თვით გაახანგრძლივა.
•საფრანგეთის პრეზიდენტი ამანუელ მაკრონი წყალქვეშა ხომალდზე ბირთვული რაკეტის იმიტირებული გაშვების პროცესს დაესწრო. წყალქვეშა ხომალდზე, რომელიც სანაპიროდან 300 კილომეტრის დაშორებით მიცურავდა, პრეზიდენტი ვერტფრენის საშუალებით მოხვდა.
•ეროვნული თავდაცვის უმაღლესი კურსი ოფიციალურად გაიხსნა. კურსის პირველი დღე თანამედროვე საერთაშორისო უსაფრთხოების სისტემასა და რეგიონული უსაფრთხოების საკითხებზე მსჯელობას დაეთმო.
•საქველმოქმედო აქციის ფარგლებში ისნის მოსახლეობას უფასო სამედიცინო გამოკვლევები ჩაუტარდა. დევნილები, სოციალურად დაუცველები, პენსიონერები, მარჩენალდაკარგულები და მარტოხელა მშობლის სტატუსის მქონე პირები სამედიცინო მომსახურების მიღებას სამი დღის განმავლობაში შეძლებენ.