ჯანდაცვის მინისტრის მოადგილე ზაზა სოფრომაძე ბათუმში ქრონიკული დაავადებებისთვის უფასო მედიკამენტებით უზრუნველყოფის პროგრამის მიმდინარეობას გაეცნო. პროგრამით უკვე სარგებლობენ 100 ათასამდე სარეიტინგო ქულის მქონე სოციალურად დაუცველი ოჯახები.

„ძირითადად ეს არის 4 ტიპის დაავადებების მედიკამენტები: გულსისხლძარღვთა სისტემის, ფილტვების ქრონიკული დაავადებების, ფარისებრთა ჯირკვლის, შაქრიანი დიაბეტის სამკურნალო მედიკამენტები. ზოგადად, მედიკამენტებით უზრუნველყოფა ჩვენის სისტემის ერთ-ერთი მთავარი გამოწვევა იყო. პროგრამა მნიშვნელოვანი შეღავათია იმ ადამიანებისთის, ვინც ქრონიკული დაავადებების გამო ამა თუ იმ დასახელების მედიკამენტის მუდმივი მომხმარებელია“, -განაცხადა ჯანდაცვის მინისტრის მოადგილემ, ზაზა სოფრომაძემ.

მინისტრის მოადგილე პროგრამის მიმდინარეობით კმაყოფილია.

„ყოველთვიურად მედიკამენტებში 200 ლარს ვხარჯავდი. დღეს ერთ ლარად შევიძინე ყველა ჩემთვის საჭირო წამალი, ეს დიდი შეღავათია“, - ამბობს პროგრამაში ჩართული ერთ-ერთი მოქალაქე ნანული ბერიძე.

მედიკამენტები სიმბოლურ ფასად 1 ლარად გაიცემა. პროგრამა საქართველოს ყველა რეგიონში პირველი ივლისიდან ამოქმედდა.