საქართველოში ადგილობრივი თვითმმართველობის არჩევნებისთვის მზადების პროცესს ენ-დი-აის დელეგაცია შეაფასებს.

ეროვნულ-დემოკრატიული ინსტიტუტის საერთაშორისო სადამკვირვებლო დელეგაცია საქართველოში ოქტომბერში დანიშნულ ადგილობრივი თვითმმართველობის არჩევნებზე დაკვირვების მიზნით ჩამოვიდა.

დელეგაცია დღეიდან 21 ივლისის ჩათვლით ხელისუფლებასთან, კანდიდატებთან, პოლიტიკური პარტიის ლიდერებთან, საარჩევნო ადმინისტრაციის, მედიის, სამოქალაქო სექტორისა და საერთაშორისო ორგანიზაციების წარმომადგენლებთან შეხვედრებს გამართავს.

პირველი შეხვედრა არასამთავრობო სექტორთან გაიმართა, ამ წუთებში კი დელეგაცია პრეზიდენტს ხვდება.