დღეს ბრიუსელში ე.წ. ბრექისთის შესახებ მოლაპარაკებების მეორე რაუნდი იწყება. ბრიუსელსა და ლონდონს შორის მთავარ უთანხმოებას დიდი ბრიტანეთში მცხოვრები ევროკავშირის მოქალაქეების მომავალი სტატუსი იწვევს.

ლონდონში აცხადებენ, რომ ევროპელებმა გაერთიანებულ სამეფოში ცხოვრების უფლება ხელახლა უნდა მიიღონ. ეს წინადადება ბრიუსელში არ მოსწონთ და ევროკავშირის მოქალაქეებისთვის მეტ გარანტიებს ითხოვენ.

მოლაპარაკებებზე ასევე განიხილება კომპენსაცია, რომელიც დიდმა ბრიტანეთმა ევროკავშირიდან გასვლის სანაცვლოდ უნდა გადაიხადოს, საუბარია 60-დან 100-მდე მილიარდ ევროზე.

ევროკავშირში ამბობენ, რომ ევროპის მოქალაქეებისა და კომპენსაციის საკითხზე შეთანხმების გარეშე ლონდონთან ვაჭრობის პირობებზე დიალოგი არ დაიწყება.

დიდი ბრიტანეთის მოქალაქეებმა ევროკავშირის დატოვების შესახებ გადაწყვეტილება ივნისის ბოლოს მიიღეს.

ე.წ. ბრექსითს მხარი მოქალაქეთა 50-ზე მეტმა პროცენტმა დაუჭირა. მოლაპარაკებები დიდი ბრიტანეთის ორგანიზაციიდან გასვლის პირობებზე, სავარაუდოდ, ზაფხულის ბოლომდე გაგრძელდება.