„ღირსეული პარტნიორი 2017“ - სწავლება 30 ივლისიდან 12 აგვისტოს ჩათვლით ვაზიანის სამხედრო აეროდრომზე, ვაზიანის პოლიგონსა და ნორიოს საწვრთნელ ბაზაზე ჩატარდება.

მრავალეროვნული სწავლების დეტალებზე დღეს თავდაცვის მინისტრმა ისაუბრა. „ღირსეული პარტნიორი“ აშშ-ის ევროპული სარდლობის შავი ზღვის რეგიონში მიმდინარე სწავლებების ციკლის ნაწილია, რომელიც 7 ქვეყნის ტერიტორიაზე ტარდება.

როგორც მინისტრმა აღნიშნა, წვრთნებს ამერიკის შეერთებული შტატების ვიცე-პრეზიდენტი მაიკ პენსი დაესწრება.

სწავლებაში 2800-ზე მეტი სამხედრო მიიღებს მონაწილეობას. პირველად სწავლებაში გერმანული ჯავშანტრანსპორტიორი „ბოქსერი“ ჩაერთვება.