„საყდრისის დაცვის კომიტეტი“ „არ ემ ჯი გოლდის“ საქმიანობის შემსწავლელი დასკვნის გასაჯაროებას მოითხოვს
„საყდრისის დაცვის კომიტეტი“ გარემოს დაცვის სამინისტროსგან ოქროს მომპოვებელი კომპანია „არ ემ ჯი გოლდის“ საქმიანობის შემსწავლელი დასკვნის გასაჯაროებას მოითხოვს.
საუბარია გარემოს დაცვის სამინისტროს გარემოზე ზედამხედველობის სამსახურის მიერ 2016 წელს კომპანიაში ჩატარებულ ინსპექტირების დასკვნაზე.
ნინო ბურჭულაძის განცხადებით, ისინი იცნობენ აღნიშნული დოკუმენტის შინაარსს და მოკვლევის შედეგები შემაშფოთებელია.
როგორც ბურჭულაძე აცხადებს, დოკუმენტის მიხედვით ირკვევა, რომ კომპანიის მიერ გარემოზე მიყენებული ზიანი , სავარაუდოდ, ასეულობით მილიონ ლარს აღემატება.
საყდრისის კომიტეტში ასევე განმარტავენ, რომ უწყება, მათი არაერთგზის მოთხოვნის მიუხედავად, აღნიშნულ დასკვნას არ ასაჯაროებს, რაც ეჭვებს აჩენს.
გარემოს დაცვის სამინიტროში კი ამბობენ, რომ საყრისის კომიტეტს სასურველი ინფორმაცია უკვე მიაწოდეს. რაც შეეხება კომპანიას, სამინისტროში ადასტურებენ, რომ დარღვევების გამო, ის დაჯარიმდა და საქმე სასამართლოს გადეცა.