გაურკვევლობა უპრეცედენტო საქმედ გამოცხადებული გამოძიების გარშემო. მძიმე დანაშაულში ბრალდებული დეკანოზის გამო, მთავარ პროკურატურას დამატებითი განმარტებების გაკეთება უწევს. როგორც დღეს ირკვევა, მამა გიორგი მამალაძეს, არა მაღალი იერარქიის სასულიერო პირის, არამედ პატრიარქის გარემოცვიდან ერთ-ერთი პირის მოწამვლის მცდელობაში ადანაშაულებენ.
ბოლო სამ დღეში, საზოგადოებაში შექმნილი აჟიოტაჟის გამო, ოპოზიცია შოთაძის უწყებას მწვავედ აკრიტიკებს.
კრიტიკის სამიზნეები არიან ხელისუფლების პირველი პირები და მმართველი პარტიის ლიდერებიც, რომლებმაც ორი დღის წინ უმძიმესი დანაშაულის აღკვეთაზე გააკეთეს აქცენტი.
კითხვების მოსახსნელად ოპონენტები პროკურატურას რეზონანსულ საქმეში არსებული ყველა მტკიცებულების, მათ შორის ფარული ჩანაწერების, გასაჯაროებისკენ მოუწოდებენ.
მმართველი გუნდი პოლიტიკურ სპეკულაციებზე საუბრობს. არასწორად მიწოდებული ინფორმაცია თუ აღქმის პრობლემა: რატომ გახდა სასულიერო პირისთვის წარდგენილი ბრალდება ინტერპრეტაციების საგანი - რატი ხვისტანი მუშაობდა თემაზე,