ევროკავშირის საბჭოს პრეზიდენტს დონალდ ტუსკს პოლონეთის პროკურატურაში დაკითხვაზე იბარებენ.
ინფორმაციას ანონიმურ წყაროებზე დაყრდნობით, ტელეკომპანია TVN24 ავრცელებს.
ადვოკატ რომან გერტიხის ცნობით, ტუსკს რუსეთის უსაფრთხოების ფედერალური სამსახურისა და პოლონური სპეცსამსახურების შესაძლო თანამშრომლობის საქმესთან დაკავშირებით დაკითხავენ.
პოლონური ტელეკომპანიის ჟურნალისტების ინფორმაციით, ტუსკი პროკურატურაში 3 აგვისტოს უნდა გამოცხადდეს, თუ რა სტატუსით მოხდება მისი დაკითხვა ჯერ უცნობია
ევროკავშირის საბჭოს პრეზიდენტი პოლონეთის პროკურატურაში ერთხელ უკვე იმყოფებოდა, აპრილის თვეში მისი დაკითხვა 8 საათს გაგრძელდა. ტუსკი ასევე 5 ივლისსა იყო გამოძახებული დაკითხვაზე, ამ შემთხვევაში გამომძიებლებს ტუსკისთვის, ლეხ კაჩინსკის თვითმფრინავის ჩამოვარდნისას დაღუპული მგზავრების იდენტიფიცირების პროცესში აღმოჩენილი დარღვევების საქმეზე უნდა დაესვათ კითხვები. თუმცა ის პროკურატურაში არ გამოცხადდა.