ივლისი 29, 2017
221
8-წლიანი პაუზის შემდეგ საქართველოში ამერიკის შეერთებული შტატების ვიცე-პრეზიდენტი ჩამოდის. მაიკ პენსი ქვეყანას 31 ივლისს ორი დღით ესტუმრება და ხელისუფლების პირველ პირებს შეხვდება.
დონალდ ტრამპის გაპრეზიდენტების შემდეგ ეს საქართველოში ამერიკის ახალი ადმინისტრაციის მაღალჩინოსნის პირველი ვიზიტი იქნება.
მმართველი გუნდი მაღალი რანგის სტუმრის ჩამოსვლას ვაშინგტონთან სტრატეგიული პარტნიორობის გაძლიერების დემონსტრირებად აფასებს. ვიზიტის განსაკუთრებულ მნიშვნელობაზე ყველა მხარე თანხმდება.
ვიცე-პრეზიდენტი, ინდიანას შტატის ექსგუბერნატორი და კონგრესის ყოფილი წევრი რუსეთის მიმართ მწვავე განცხადებებით გამოირჩევა. თბილისში სტუმრობამდე ის საქართველოს პრემიერს უკვე ორჯერ შეხვდა.
მაჩვენე მეტი