აშშ-ის ვიცე-პრეზიდენტი თბილისში გუშინ საღმოს 7 საათისთვის, აღმოსავლეთ ევროპის ტურნეს ფარგლებში ესტონეთიდან ჩამოვიდა. ის საქართველოს მეუღლესთან ერთად ესტუმრა.

გუშინვე მეგობრულ ვახშამზე შეერთებული შტატების 48-ე ვიცე-პრეზიდენტს პრემიერ-მინისტრმა უმასპინძლა.

პენსმა ქართველ ხალხს ამერიკის პრეზიდენტის მოკითხვა გადასცა და მისი გზავნილიც გაახმოვანა- ჩვენ თქვენთან ერთად ვართ, თქვენს გვერდით ვართ, თქვენი თავისუფლებისა და ერთობლივი ღირებულებებისთვის.

ვახშმის დაწყებამდე სტუმრებმა ფუნიკულიორიდან თბილისის ხედები დაათვალიერეს. გადაიღეს სამახსოვრო ფოტოები და საჩუქრები გაცვალეს.