ვიცე-პრეზიდენტის ჩამოსვლისთვის მზად არის დედაქალაქი. ამერიკის დროში ფერებში განათდება თბილისის ანძა. ქალაქის ქუჩებს ამერიკისა და საქართველოს დროშებით გააფორმებენ.

მაღალი რანგის სტუმრის დახვედრის შესაძლებლობა მოქალაქეებსაც ექნებათ. ამისათვის აეროპორტში ტერიტორიას საგანგებოდ გამოყოფენ.

ღონისძიებები დაიგეგმა პატარებისთვისაც. პუშკინის ბაღში ამერიკული საბავშვო სკვერი მოეწყობა.

პენსის ვიზიტთან დაკავშირებით, გარკვეული შეზღუდვები იქნება რამდენიმე ქუჩაზე. პირველი აგვისტოს 17 საათამდე, მანქანებით გადაადგილება აიკრძალება ჭანტურიას ქუჩაზე.

დღესვე 20:00 საათიდან 1 აგვისტოს 16:00 საათამდე დაიკეტება რუსთაველის გამზირი.

ასევე, 19:00 საათიდან 22:00 საათამდე მოძრაობა შეიზღუდება კოჯრის გზატკეცილზე, კოჯრიდან თბილისის მიმართულებით.

ავტომანქანები იმოძრავებენ შინდისი-კრწანისის დამაკავშირებელი ახალი გზით, - ინფორმაციას შინაგან საქმეთა სამინისტრო ავრცელებს.