მოსკოვის პასუხი ვაშინგტონს. საქართველოში ამერიკის შეერთებული შტატების ვიცე-პრეზიდენტის ვიზიტიდან რამდენიმე დღეში ვლადიმერ პუტინი ოკუპირებულ აფხაზეთში გეგმავს ჩასვლას.
კრემლის პირველი პირის გეგმას მისი პრესსპიკერი ადასტურებს. საქართველოს და ბალტიისპირეთის ქვეყნების მიმართ თეთრი სახლის პოლიტიკით გამოწვეულ გაღიზიანებას რუსი დეპუტატები პირდაპირ გამოხატავენ და არ მალავენ, რომ ეს კრემლის საპასუხო ნაბიჯია.
ვლადიმერ პუტინის ვიზიტი ოკუპირებულ სოხუმში, სავარაუდოდ, 8 აგვისტოს – რუსეთ-საქართველოს ომის მეცხრე წლისთავს დაემთხვევა. მანამდე კი კრემლი ე.წ. სასაზღვრო ხნულებით, გააქტიურებას შიდა ქართლშიც გეგმავს.
უკანონო სადემარკაციო სამუშაოები ხვალიდან განახლდება. საფრთხის შემცველი პროვოკაციული მოქმედება,- ასე აფასებენ პუტინის გეგმას თბილისში და საერთაშორისო თანამეგობრობის მხარდაჭერაზე საუბრობენ.
მარიამ მენაბდის სიუჟეტი.