რუსეთის პრეზიდენტი ვლადიმერ პუტინი 8 აგვისტოს ოკუპირებულ აფხაზეთში გეგმავს ჩასვლას. ე.წ. ვიზიტის პროგრამა მოკლეა, მხოლოდ დე ფაქტო პრეზიდენტ რაულ ხაჯიმბასთან მოლაპარაკებები.

პრეზიდენტ პუტინის ე.წ. ვიზიტი, 2008 წლის 8 აგვისტოს ომის მე-9 წლისთავს ემთხვევა. სწორედ ომის შემდეგ, რუსეთმა ოკუპირებული ცხინვალისა და აფხაზეთის ე.წ. დამოუკიდებლობა აღიარა და 2014 წელს დე ფაქტო ლიდერთან, რაულ ხაჯიმბასთან მეკავშირეობისა და სტრატეგიული პარტნიორობის შესახებ ე.წ. ხელშეკრულება გააფორმა. 2015 წელს კი მეკავშირეობისა და ინტეგრაციის ხელშეკრულება ოკუპირებული ცხინვალის რეგიონთან გაფორმდა.