ავღანეთში გარდაცლილი ქართველი სამხედროს ხსოვნის პატივსაცემად თავდაცვის სამინისტროში დილიდან დროშები დაუშვეს.
თავდასხმის შედეგად, ერთი ქართველი სამხედრო დაიღუპა, სამი კი დაშავდა.
მდინარი ბებიაშვილი „მტკიცე მხარდაჭერის“ მისიაში მონაწილეობდა და საქართველოს შეიარაღებული ძალების II ქვეითი ბრიგადის 23-ე ქვეითი ბატალიონის უმცროსი სერჟანტი იყო.
ბებიაშვილი საქართველოს შეიარაღებულ ძალებში 2010 წლიდან მსახურობდა. ის ავღანეთში უსაფრთხოების ხელშეწყობის საერთაშორისო ძალების მისიაში ორჯერ - 2012 და 2014 წლებში მონაწილეობდა. მას მიღებული აქვს მედლები „სამშვიდობო ოპერაციებში მონაწილეობისთვის“.
რაც შეეხება დაშავებულებს, ისინი ბაგრამის საავიაციო ბაზის ჰოსპიტალში რჩებიან. მათი ჯანმრთელობის მდგომარეობა სტაბილურად მძიმეა.