ოკუპირებულ აფხაზეთში დღეს რუსეთის ფედერაციის პრეზიდენტს ელოდებიან

პუტინის ე.წ. ვიზიტი 2008 წლის 8 აგვისტოს ომის მე-9 წლისთავს ემთხვევა. სწორედ ომის შემდეგ რუსეთმა ოკუპირებული ცხინვალისა და აფხაზეთის ე.წ. დამოუკიდებლობა აღიარა და 2014 წელს დე ფაქტო ლიდერ, რაულ ხაჯიმბასთან „მეკავშირეობისა და სტრატეგიული პარტნიორობის შესახებ“ ე.წ. ხელშეკრულება გააფორმა.

2015 წელს კი „მეკავშირეობისა და ინტეგრაციის“ ხელშეკრულება ოკუპირებული ცხინვალის რეგიონთან გაფორმდა.