აგვისტოს ომის მეცხრე წლისთავზე საქართველოს ოკუპირებულ რეგიონში ჩასვლის გამო რუსეთის პრეზიდენტი მწვავე ბრალდებების სამიზნეა.
ოფიციალური თბილისი მოსკოვს საერთაშორისო სამართლის ნორმების უხეშ დარღვევაში ადანაშაულებს.
ბიჭვინთაში გაკეთებული განცხადებებიდან განსაკუთრებული აქცენტი გამოსვლის იმ ნაწილზე კეთდება, სადაც ვლადიმერ პუტინი აფხაზეთში მოქმედ რუსულ სამხედრო ბაზაზე საუბრობდა.
თბილისში ხაზს უსვამენ, რომ ოკუპირებულ რეგიონში ჩასვლით კრემლმა პროვოკაციული გზავნილი საერთაშორისო საზოგადოებასაც გაუგზავნა. სახელდება 2008 წლის ომის დაწყების დღეს აფხაზეთში უკვე მეორედ ჩასვლის მოტივებიც.
შელახული იმიჯის ფონზე პუტინის მხრიდან ძალაუფლების დემონსტრირების მცდელობა, აფხაზეთში არსებული შიდა ვითარება და ერთი კვირით ადრე აშშ ვიცე-პრეზიდენტის ვიზიტი საქართველოში.